Çuçi pret homologun nga Maqedonia e Veriut! Drejt nënshkrimit marrëveshja që heq kontrollet

TIRANË- Shqipëria dhe Maqedonia e Veriut do të nënshkruajnë brenda këtij viti një Marrëveshje Fitosanitare, e cila lehtëson shkëmbimet tregtare të produkteve bujqësore mes dy vendeve. Kjo është dakordësuar në takimin që pati sot ministri i Bujqësisë dhe Zhvillimit Rural, Bledi Çuçi, me homologun nga Maqedonia e Veriut, Trajan Dimkovski, i cili ndodhet në Tiranë për një vizitë zyrtare.

Çuçi tha gjatë takimit se të dy vendet kanë lidhje të forta me njëri-tjetrin dhe një axhendë të përbashkët në rrugën e integrimit europian. Rrjedhimisht duhet të intensifikohet bashkëpunumi në sektorin bujqësor dhe zhvillimin rural.