LUSHNJE-Një aksident i rëndë me pasojë një të vdekur dhe tre të plagosur, mes tyre një rëndë ka ndodhur mbrëmjen e djeshme rreth orës 23:30 në qendër të qytetit. Report Tv siguron pamjet nga vendi i ngjarjes dhe foton e viktimës.

Një furgon me targa AA 001 FT, që po lëvizte me shpejtësi ka dalë nga rruga duke kaluar bordurën rreth 60 cm dhe ka marrë përpara njerëzit që ishin në lulishte, ndërsa ka thyer edhe disa pemë. Si pasojë ka humbur jetën në spital Teuta Alickolli 50-vjeçe, ndërsa është plagosur rëndë djali i saj dhe dy persona të tjerë.

Gruaja ishte duke qëndruar në lulishte së bashku me djalin në momentin që furgoni erdhi me shpejtësi dhe e zuri poshtë. 50-vjeçarja u transportua me shpejtësi në spital, por gjendja shëndetësore ishte mjaft e rëndë, pasi furgoni e zuri poshtë dhe nuk arriti që t'u mbijetonte plagëve.

Djali i viktimës ndodhet në spital me plagë të rënda, por jashtë rrezikut për jetën. Zona në atë orar ka qenë mjaft e populluar dhe në lulishte disa mjaft persona, por fatmirësisht bilanci nuk ka qenë më i rëndë. Autori është një 22-vjeçar, që është arrestuar menjëherë nga policia, ndërsa po hetohet nëse ishte i dehur.