Report TV - Protestuesit hedhin bomba molotov pas kryeministrisë, lulishtja në flakë

Militantët e PD kanë zhvendosur qendrën e tyre të protestës, duke u vendosur pas kryeministrisë, ku kanë hedhur bomba molotov dhe kanë hequr kangjellat rrethuese të perimetrit të sigurisë. Si pasojë e përdorimit të bombave molotov lulishtja është përfshirë në flakë.

Pjesa tjetër e protestuesve kanë qëndruar përpara kryeministrisë.

Në zonën ku kanë qëndruar militantët duke kryer sulme të njëpasnjëshme, përveç kryeministrisë, ndodhen edhe shumë institucione të tjera publike si ambasada italiane dhe RTSH. Më pas protestuesit janë shpërndarë nga policia me gaz lotsjellës.