Paroles "Mèm si ou lé loin" (Extrait de l'album : Tous les enfants)
Refrain : Mèm si ou lé loin Si ou lé pa koté moin Mèm de lot’ coté d’la terre Ou s’ra toujours dan mon kèr. Mèm si ou lé loin, Si ou lé pa koté moin Comme un roulèr, un kayamb Nous sera toujours ensemb’.
Le band mots i vien pa Quand moin la besoin Mon l’esprit i maille Mon pensée i chamaille Mais poukoué rode pou di sak dann’ mon kèr i cri Des fois le silence même, lé pli fort qu’n’importe quel poème
(Refrain)
Pou dit des mots d’amour Lé vrai moin lé pa gabier Moin lé pli fort Quand i faut dit la méchanceté Combien d’fois moin la cri ek ou Z’ordi mon kèr i sèr, ou mank à moin, mèm si mi di pa ou
(Refrain)
Des fois mi aimerais être comme un parle-pas Mi a bout explique mon bonheur, mon tracas Juste ek un caresse, un p’tit soupir Juste un p’tit geste, un murmure
Mèm si ou lé loin, Si ou lé pa coté moin, Mèm si ou lé loin, Si ou lé pa coté moin, Mèm si ou lé loin… Si ou lé pa coté moin… Nou lé ensemb’.
