KORÇË - Dëbora e parë ka nisur të bjerë edhe në vendin tonë. I pari është zbardhur Qarku i Korçës.
Mësohet se bora ka nisur të bjerë prej dy orësh në fshatin turistik të Dardhës. Kjo është dëbora e parë në vend dhe me rënien e saj duket se ditët me diell kanë mbaruar për këtë vit dhe dimri ka trokitur zyrtarisht.
Reshjet kanë gjetur të papërgatitur drejtuesit e automjeteve por edhe turistët që udhëtojnë drejt Dardhës. Për normalizimin e qarkullimit në aksin Dardhë-Korçë është dashur hedhja e skorjes në rrugë dhe përdorimi i zinxhirëve nga drejtuesit e automjeteve.
Reshje dëbore por me intensitet të dobët ka pasur edhe në qytetin e Korçës.
Comments