ప్రేమలో మోసపోవడం, అత్యాచారాల బారీన పడడం వంటి కష్టాలు సాధారణ మహిళలకే కాదు.. సెలెబ్రెటీలకు సైతం ఎదురవుతున్నాయి. తాజాగా ముంబైకి చెందిన ఓ టివి నటి దారుణంగా మోసపోయిన ఘటన వెలుగులోకి వచ్చింది. ఓ సెలెబ్రిటీ కూడా సైబర్ నేరగాళ్ల వలలో చిక్కుకోవడం పోలీసులని సైతం ఆశ్చర్యానికి గురిచేస్తోంది. వారిద్దరికీ సోషల్ మీడియా ద్వారా పరిచయం ఏర్పడినట్లు తెలుస్తోంది.
ముంబైలో మోడలింగ్ లో రాణిస్తున్న ఆ యువతి ఇటీవల టివి నటిగా కూడా రాణిస్తోంది. పెళ్లి చేసుకుందాం అని నమ్మించి తన ప్రియుడు అత్యాచారం చేశాడని తాజగా ఆ నటి పోలీస్ స్టేషన్ లో ఫిర్యాదు చేసింది. బాధితురాలి ఫిర్యాదు మేరకు పోలీసులు కేసు నమోదు చేశారు. రాజస్థాన్ లో నమోదైన ఈ కేసుని విచారణ కొరకు ముంబైకి మార్చినట్లు తెలుస్తోంది.
