తెలుగు బిగ్బాస్ కార్యక్రమం ఆటపాటలతో, అఫైర్లతో జోరుగా సాగుతున్నది. సామ్రాట్, తేజస్విని ప్రేమాయణం మితిమీరి పోతున్నదనే మాట వినిపిస్తున్నది. అంతేకాకుండా వారి అతి రొమాన్స్ కూడా చర్చనీయాంశమవుతున్నది. హాస్టల్ టాస్క్లో లవర్స్ విజేతలుగా నిలిచారు. కెప్టెన్గా కౌశల్ ఎంపిక అయ్యారు. ఇలాంటి పరిస్థితుల నేపథ్యంలో 26వ రోజు ఎపిసోడ్ ఎలా సాగిందంటే..
సామ్రాట్ రెడ్డి అంటే బిగ్బాస్ హౌస్లోని ప్రతీ ఒక్కరికి ఇష్టం అని వ్యాఖ్యలు చేసిన తేజస్వి మదివాడపై గీతామాధురీ, దీప్తి, శ్యామల, భానుశ్రీ అభ్యంతరం వ్యక్తం చేశారు. టాస్క్లో భాగంగా తనపైకి రావడంపై సామ్రాట్ స్పందిస్తూ నాపై పడొద్దు అని చేసిన వ్యాఖ్యలను కూడా వారు తప్పపట్టారు. బయట వాళ్లు వింటే ఏమనుకొంటారు అని వారందరూ వాపోయారు.
గీతా మాధురి, దీప్తి, శ్యామల వ్యవహారంపై తేజస్వి, సామ్రాట్, భానుశ్రీ మీటింగ్ పెట్టారు. వారేమనుకొన్న నాకు పట్టింపు లేదు. వీడు నా వాడు అంటూ సామ్రాట్పై తేజస్విని పడిపోయింది.
గీతామాధురి, శ్యామల, దీప్తి, సునైన మాట్లాడుతుండగా, అక్కడికి గణేష్ వచ్చాడు. దాంతో గణేష్ను బెల్లీ డాన్స్ చేయమని కోరగా లయబద్ధంగా నడుము, బొర్రను ఊపుతూ బెల్లీ డ్యాన్స్ చేశాడు. గణేష్ తోడుగాతేజస్విని కూడా బెల్లీ డాన్సు చేసి చూపించింది.
సెలబ్రిటీలందరూ హాలులో కూర్చొని ఉండగా, రంగస్థలంలోని ఎంత సక్కగున్నవే అనే పాటను గీతామాధురి పాడి వినిపించారు. గీతా మాధురి పాట పడుతుండగా, సభ్యులందరూ చప్పట్లు కొడుతూ ఆమెకు ప్రోత్సాహం అందించారు.
లగ్జరీ బడ్జెట్ టాస్క్లో భాగంగా హాస్టల్ టాస్క్లో లవర్స్గా నటించిన జట్లకు బిగ్బాస్ అభినందన తెలిపారు. విజేతలుగా నిలిచిన కౌశల్-దీప్తి, సామ్రాట్-తేజస్విని కెప్టెన్ పదవికి కంటెస్టంట్లుగా ఉండాలని కోరారు.
Comments