Një autobus i tillë nuk ishte parë asnjëherë në rrugët e Tiranës. Çdo ditë ai niset nga qendra e qytetit. Pasagjerët e tij, riprodhime të veprave të trashëgimisë tonë kulturore në pronësi të Muzeut Historik Kombëtar i çon në shkollat 9-vjeçare, në periferi të Tiranës.
Objektet e përzgjedhura referojnë periudha të ndryshme historike, nga lashtësia deri në shekullin XIX. Bashkë me këto riprodhime të veprave origjinale, që i lejon fëmijët t'i prekin ato, udhëtojnë edhe specialistë të Muzeut Historik Kombëtar.
Pasi autobusi, që mund ta quajmë një muze i vogël lëvizës, të bëjë xhiron e gjithë shkollave në periferi të Tiranës, objektet e tij do të zhvendosen për t'u zëvendësuar me të tjerë, për të përmbushur objektivin e tij, të çojmë trashëgiminë tonë kulturore edhe tek ata fëmijë që për arsye të ndryshme, nuk mund ta vizitojnë Muzeun Historik Kombëtar.
