Ekspozita e eventit më të rëndësishëm të futbollit shqiptar "Euro 2016" që u paraqit në ambjentet e Muzeut Historik Kombëtar nuk mund të mos admirohej nga një njeri, meritat e të cilit në atë kualifikim unikal janë të padiskutueshme, Gianni de Biasi.
Ish-trajneri i kombëtares pasi vizitoi ekspozitën foli dhe në lidhje me zgjedhjet për president të FSHF-së , ku shfaqi mbështetjen e plotë për Armand Dukën.
Më pas tekniku preku edhe temës e së ardhmes së tij duke deklaruar se nuk e përjashton rikthimin në Seria A.
Gianni De Biasi qëndroi në krye të skuadrës sonë përfaqësuese për 6 vite duke regjistruar fitore të rëndësishme, teksa gjithçka kulmoi me kualifikimin në europianin e Francës.
