Report TV - Rama: Bonuse për mjekët që pranojnë të shkojnë aty ku ka mungesa

Kryeministri Rama nga Lezha ka dhënë një lajm të mirë për mjekët që pranojnë të transferohen në zonat ku ka mungesa, ata do të përfitojnë bonus deri në 2.5 milion lekë. Madje vendimi për bonusin e mjekëve është firmosur gjatë mbledhjes së qeverisë.

Vendimi u bë publik nga Rama gjatë konferencës për mediat, ku njoftoj se nga 1 milion lekë pagesë në muaj, masa e bonusit do të rritet deri në 2.5 milion lekë të vjetra, sipas specialiteteve, për të plotësuar në këtë mënyrë nevojat me mjekë specialistë dhe për të ofruar shërbimin sa më afër qytetarëve.