కొత్త సంచలనానికి నాంది పడుతోందా ?

Aamir’s Mahabharata to be produced by Mukesh Ambani. First step is success

ఇండియన్ సిల్వర్ స్క్రీన్ పై మహాభారత కథలు చాలానే ఇప్పటివరకు మెరిసాయి. మహాభారతం అభిమానులని నిరాశపరచడం అంటూ ఉండదు. మహాభారతంలోని కథ, అందులో పాత్రల ప్రత్యేకత అంటువంటిది. మహాభారతాన్ని ఇప్పటివరకు చాలా మంది దర్శకులు వివిధ రూపాలలో అద్భుతంగా ఆవిష్కరించారు.
మహా భారతాన్ని తెరకెక్కించాలని దర్శకదీరుడు రాజమౌళికి కోరిక ఉంది. ఆ సమయం కోసం తాను ఎదురుచూస్తున్నానని రాజమౌళి గతంలో పలుమార్లు తెలిపాడు.
మహా భారతాన్ని తెరకెక్కించాలని కోరిక టాలీవుడ్ లో రాజమౌళికి ఉంటె బాలీవుడ్ లో అమిర్ ఖాన్ అదే ఆశయంతో ఉన్నాడు. మహాభారత చిత్రాన్ని తెరకెక్కించడం తన చిరకాల కోరిక అని అమిర్ ఖాన్ గతంలోనే తెలిపాడు.
అమిర్ ఖాన్ కల నెరవేరే దిశగా తొలి అడుగు పడ్డట్లు తెలుస్తోంది. మహాభారతాన్ని నిర్మించడానికి సరైన వ్యక్తే ముందుకు వచ్చాడట. మహాభారతం వంటి చిత్రాన్ని నిర్మించాలనే బడ్జెట్ విషయంలో ముందు వెనకా ఆలోచించకూడదు. ఈ చిత్రానికి భారీ స్థాయిలో డబ్బు ఖర్చు అవుతుంది.
ఈ చిత్రాన్ని నిర్మించడానికి ముకేశ్ అంబానీ ముందుకు వచ్చినట్లు వార్తలు వస్తున్నాయి. మహా భారత చిత్రాన్ని భాగాల రూపంలో పూర్తి చేసినప్పటికీ కనీసం పదేళ్లు పడుతుందని అమిర్ ఖాన్ భావిస్తున్నాడు.