MLA Movie Pre Release Event held at Hyderabad.
కళ్యాణ్ రామ్, కాజల్ హీరో హీరోయిన్లుగా నటిస్తున్న చిత్రం 'ఎంఎల్‌ఎ'. ఈ సినిమా మార్చి 23న విడుదలవుతోంది. ఈ నేపథ్యంలో మంగళవారం హైదరాబాద్‌లో ప్రీ రిలీజ్ వేడుక నిర్వహించారు.
ఈ సందర్భంగా కళ్యాణ్ రామ్ మాట్లాడుతూ... సినిమా అంటే కాంబినేషన్ సెట్ చేసి తీయడం కాదు, కథను నమ్ముకుంటే ఏదో ఒకరోజు సక్సెస్ వస్తుందని నమ్ముతాను. ఈ చిత్ర నిర్మాతలు కిరణ్‌ రెడ్డి, భరత్‌ చౌదరి కూడా అదే నమ్మారు. నేను ఫస్ట్ టైమ్ రెండు గంటలు కథ విన్నది పటాస్ సినిమాకు. పటాస్ తర్వాత మళ్లీ అంత సమయం కథ విన్నది ఈ సినిమాకే. అప్పుడు ఎంత ఎగ్జైట్మెంట్ వచ్చిందో ఈ సినిమా కథ విన్నపుడు కూడా అలాగే అనిపించింది, దర్శకుడు ఉపేంద్ర కళ్లకు కట్టినట్లు సినిమా కథ చెప్పారు అని కళ్యాణ్ రామ్ తెలిపారు.
ఈ సినిమాకు దర్శకుడు నన్ను ఫస్ట్ డే నుండే బాగా టార్చర్ పెట్టాడు. ఆయన పెట్టే టార్చర్ కు నాలుగైదు కేజీలు తగ్గాను. తనకు కావాల్సిన రైమింగ్ వచ్చే వరకు వన్ మోర్ వన్ మోర్ అంటూ చేయించేవాడు. ఓ సారి ఉదయం 7 గంటలకు మొదలు పెట్టి మధ్యాహ్నం 2 గంటల వరకు బ్రేక్ ఇవ్వలేదు. ఆయన అలా టార్చర్ పెట్టాడు కాబట్టే నేను ఈ సినిమాలో కొత్తగా కనిపించాను. స్క్రీన్ మీద నన్ను నేను చూసుకున్న తర్వాత ఆ టార్చర్ అంతా మరిచిపోయాను... అని కళ్యాణ్ రామ్ తెలిపారు.
‘ఎంఎల్ఏ' ప్రీ రిలీజ్ వేడుకలో పాల్గొన్న పోసారి కృష్ణ మురళి తన ఫన్నీ స్పీచ్ తో ఆకట్టుకున్నారు. మధ్యలో ఆయన కళ్యాణ్ రామ్ అనబోయి పొరపాటున పవన్ కళ్యాణ్ అంటూ సంబోధించడంతో అంతా ఆశ్చర్యపోయారు.
