Mythri banner reportedly paid Rs.12 crore advance to Pawan a few years ago for his dates. Pawan was supposed to do a film for Mythri banner after 'Agnyaathavaasi'. Mythri banner was hoping that Pawan will allot his dates from either February or March
పవన్ కల్యాణ్ను మళ్లీ వెండితెరపై చూస్తామా? లేదా? అన్న బెంగ చాలామంది ఫ్యాన్స్ను వెంటాడుతోంది. అజ్ఞాతవాసి మిగిల్చిన అసంతృప్తిని చల్లార్చేందుకైనా పవన్ మరో సినిమా చేస్తే బాగుండు అనేది సగటు అభిమాని ఆవేదన. మరి పవన్కు సినిమాలకు కేటాయించేంత టైమ్ ఉందా?.. అసలు చేయడానికి ఆసక్తి ఉందా?.. మరో రెండు రోజుల్లో దీనిపై క్లారిటీ రావచ్చేమోనన్న గుసగుసలు వినిపిస్తున్నాయి..
ఇటీవలి కొండగట్టు యాత్రలో సినిమాల ఆలోచన లేదంటూ పవన్ ప్రకటించారు. అయితే ఆలోచన లేదన్నారు తప్పితే.. పూర్తిగా మానేస్తున్నానని ఎక్కడా చెప్పలేదు. సీరియస్గా రాజకీయాలపై ఫోకస్ చేసినందునా ప్రస్తుతానికి మాత్రం టైమ్ లేదన్న తరహాలో ఆ వ్యాఖ్యలు చేశారు. కాబట్టి పవన్ మళ్లీ సినిమా చేస్తారేమోనన్న ఆశలు అభిమానుల్లో చిగురిస్తున్నాయి.
నిజానికి పవన్ పలు ప్రొడక్షన్ హౌజ్ లకు సినిమాలు బాకీ ఉన్నారు. ఆయా నిర్మాతల నుంచి ఆయన అడ్వాన్సులు కూడా పుచ్చేసుకున్నారు. కాబట్టి ఒప్పందం మేరకు వాళ్లతో సినిమాలు చేయడమా?.. లేక అడ్వాన్సులు తిరిగి ఇచ్చేయడమా? అన్నది జరగాలి. ఈ రెండింటిలో పవన్ దేనివైపు మొగ్గుతారంటే.. మొదటి దానికే మొగ్గవచ్చునేమో అన్న సమాధానాలు ఎక్కువగా వినిపిస్తున్నాయి.
Comments