'ఒక్క క్షణం' పై ఇవే హైప్ పెంచాయి..

While many look forward to the film Okka Kshanam with anticipation, we give you four reasons why you should watch it.

సినిమా కధ రాయడం లో ఒక్కో దర్సకుడిది ఒక్కో స్టైల్. కొంతమంది దర్శకులు ఒక రోజులో కధ రెడీ చేసేస్కుంటారు. కొంతమంది కొన్ని వాస్తవిక అంశాల ఆధారంగా ఓ చిన్నపాటి రీసెర్చ్ చేసేసి.. దానికి కొంత కాల్పనికతను జోడించి కథ సిద్దం చేస్తారు. 'ఒక్క క్షణం' దర్శకుడు విఐ ఆనంద్ ఈ కోవకు చెందినవారే. ఒక్క క్షణం సినిమాకు మంచి హైప్ రావడానికి ఆయన అందించిన కథ, మేకింగ్ స్టైలే కారణం. మరి ఈ రోజు ఆ సినిమా విడుదల సందర్భంగా ఆయన మేకింగ్ స్టైల్ గురించి కొన్ని విశేషాలు..
ఆనంద్ దర్శకత్వ శైలి కూడా చాలా యునిక్ అనే టాక్ ఉంది. అదేంటంటే.. ఆయనెప్పుడూ నటీనటుల్ని ఇలా చెయ్యాలి.. అలా చెయ్యాలి అని ఫోర్స్ చేయడం, ఆదేశించడం ఉండదట. జస్ట్.. పాత్ర ఎలా ప్రవర్తించాలి అన్నది మాత్రం చెప్పి వదిలేస్తారట. ఒకరకంగా నటులకు ఆనంద్ ఫుల్ ఫ్రీడమ్ ఇస్తారని తెలుస్తోంది.
ఒక్క క్షణం సినిమాకు ప్రధాన బలం దర్శకుడు విఐ ఆనంద్. రిస్క్ అని తెలిసినా సరే.. రొటీన్, మూస కథల కన్నా డిఫరెంట్ జానర్ కథలు చేయడానికే ఆయన మొగ్గుచూపుతారు. ఆవిధంగా కథతోనే సినిమాపై ఎటెన్షన్ క్రియేట్ చేయగలడు. ఎక్కడికి పోతావు చిన్నవాడా!, ఇప్పుడు ఒక్క క్షణం విషయంలోనూ అదే జరిగింది. సైన్స్ ఫిక్షన్ సినిమాలను అమితంగా ఇష్టపడే ఈ దర్శకుడు తాజా చిత్రంతోనూ అదే మ్యాజిక్ చేయాలనుకుంటున్నాడు.