گەلۆ حیزبەکانی ڕۆژهەڵات سەربەخۆیی خوازن یا ئێرانچی؟

حێزبه‌کانی کوردستانی ئێران؛ سه‌ربه‌خۆیی خواز یان پابه‌ند به یه‌کپارچه‌ی ئێران؟
لەگەڵ به‌ڕێزان:
حه‌سه‌ن شه‌ره‌فی، جێگری سکرتێری حێزبی دێمۆکڕاتی کوردستانی ئێران،
ئه‌بوبه‌کر مۆدەڕێسی، جێگری سکرتێری گشتی کۆمه‌ڵه‌ی شۆڕشگێری زه‌حمه‌تکێشانی
دۆکتور خالید خه‌یاتی، مامۆستای زانستگه‌لی سیاسی زانکۆی لین‌شۆپینگ
خه‌باتی سیاسی حێزبه‌کانی کوردستانی ئێران ساڵانێکی زۆره به‌رده‌وامه. به پێی په‌یرەو پرۆگرامی حێزبی و هه‌روه‌ها بڵاوکراوەوه فه‌رمیه‌کان، هه‌ر له دامه‌‌زرانی کۆماری کوردستان له مهاباده‌وه هه‌تا ئێستاش حێزبه ناسراوه‌کانی کوردستانی ئێران ئه‌گه‌ر چی ئاماژه‌یان به گرینگی مافی نوسینی چاره‌نووسی گه‌لی کورد له ئێران داوه و هیچ کاتیش ئاماده نه‌بوون به فه‌رمی و به ڕوونی پابه‌ندبوونی خۆیان به پاراستنی یه‌کپارچه‌یی خاکی ئێران ڕابگه‌یێنن به‌لام ئه‌م حیزبانه خوازیاری سه‌ربه‌خۆیی کوردستانی ئیران نه‌بوون و داوای خۆبه‌ڕێوه‌بەری، فێدرالیزم و یان کۆنفێدرالیزمیان کردوه.
له به‌رانبه‌ردا، ده‌سه‌ڵاتی سیاسی و به‌شێکی زۆرینه و سه‌ره‌کی له ئۆپۆزیسیۆنی ئێرانی و هه‌روه‌ها هاووڵاتیانی ئێرانی غه‌یری کورد، لانی‌که‌م ئه‌وانه‌ی ده‌نگیان له میدیاکان و تۆڕه کۆمه‌ڵایه‌تیه‌کاندا ده‌بیسرێت، ڕاسته‌وخۆ یان ناڕاستەوخۆ، حێزبه‌کانی کوردستانی به جۆدایی خواز یا به وته‌ی خۆیان "ته‌جزیه‌ته‌له‌ب" ناو دەبه‌ن و به ناڕاستی تاوانباریان دەکه‌ن.
پرسیار ئه‌وه‌یه ئایا کاتی ئه‌وه نه‌هاتوه حێزبه‌کانی کوردستانی ئێران، له‌م دوو ڕیانی گۆمانە تێپه‌ڕ بن و به ڕوونی سه‌باره‌ت به ئامانجی سیاسی خۆیان لێدوان بدەن؟ ئایا ئه‌م حێزبانه نابێت به ڕوونی ڕایبگه‌یێنن سه‌ربه‌خۆیی خوازن یان نا به ته‌واوی پابه‌ندی یه‌کپارچه‌یی خاک و یه‌کگرتوویی وڵاتی ئێرانن و دژی هه‌ر چه‌شنه هه‌وڵێکی جۆدایی خوازانه هه‌لوێست ده‌گرن.