Fidaa Fame Gayatri Gupta shared her experiences in movies and sexual harassment of producers and directors to get a movie chance. Gayatri revealed many shocking and unknown facts about Tollywood Industry.
'ఫిదా' సినిమాతో పాపులర్ అయిన నటి గాయిత్రి గుప్తా. ఈ చిత్రంలో హీరోయిన్ సాయి పల్లవి ఫ్రెండ్ పాత్ర పోషించిన నటి గాయిత్రి ఇటీవల ఓ యూట్యూబ్ ఛానల్‌లో ఇంటర్వ్యూలో టాలీవుడ్ గురించి, ఇండస్ట్రీలో తనకు ఎదురైన కాస్టింగ్ కౌచ్ విషయాల గురించి ధైర్యంగా బయట పెట్టిన సంగతి తెలిసిందే. తాజాగా ఓ టీవీ ఛానల్ 'కాస్టింగ్ కౌచ్' అంశం గురించి నిర్వహించిన చర్చా కార్యక్రమంలో గాయిత్రి గుప్తా పాల్గొన్నారు. ఈ సందర్భంగా ఆమె తనకు ఎదురైన అనుభాలను వివరించారు.
ఇలాంటి సమస్యలు రావడానికి ఇండస్ట్రీ అనే కాదు, ఎక్కడైనా ఆస్కారం ఉంది. అందుకే ఇలాంటివి ఎదురైనపుడు వాటి గురించి మాట్లాడటమే కరెక్ట్ అని నా ఫీలింగ్ అని గాయిత్రి గుప్తా తెలిపారు.
సినిమా నిర్మాత, డైరెక్టర్, ఆర్టిస్టులు కాకుండా మేనేజర్స్ లెవల్లోనే ఇలాంటి ప్రాబ్లమ్స్ మొదలవుతాయి. వాళ్లు మనల్ని ఒక సినిమా కోసం సంప్రదించినపుడు కమిట్మెంటుకు (పడుకోవడానికి) ప్రిపేర్ అయి ఉన్నావా? లేదా? అని ముందే ఎలాంటి మొహమాటం లేకుండా అడిగేస్తారు.... అని గాయిత్రి గుప్తా తెలిపారు.
నేను ఇప్పటి వరకు 11 సినిమాలు చేశాను. అందులో హిట్టయిన మూవీ ‘ఫిదా'. ఇండస్ట్రీలో అలాంటి వారు కొంత మంది అయితే ఉన్నారు. ఆ కొంత మంది కూడా ఆడ పిల్ల తన పరువు కోసం బయటకు మాట్లాడదు కదా అనే ఉద్దేశ్యంతో ఇలాంటివి చేస్తుంటారు. రెండు సంవత్సరాల క్రితం నాకు ఓ బాలీవుడ్ మూవీ ఆఫర్ కూడా వచ్చింది. మంచి క్యారెక్టర్. 12 రోజులు కమిట్మెంట్ ఇస్తే ఒక ప్లాట్ గిఫ్ట్ ఇస్తాను, ఒక కారు కొనిస్తాను, 10 లక్షల పేమెంట్ ఇస్తామని చెప్పారు. దీంతో నాకు ఈ ఆఫర్ వద్దని చెప్పి వచ్చేశాను... అని గాయిత్రి గుప్తా తెలిపారు.
