唧朱古力被人笑 霆鋒PO片反撃 如果唔明，我無計

謝霆鋒喺澳門示範唧朱古力片段在網上瘋傳，大家對霆鋒嘅評價都係恥笑居多，就連秋生都忍唔住拍返條片抽下水( )。

今日霆鋒就喺Facebook 上載一條當日佢喺廚房炮製甜品嘅片段，入面可以再見到霆鋒唧朱古力，不過動作幅度就唔似喺台上表演咁勁，而且片段仲成日close up霆鋒啲衫領，褲袋上面嘅刺繡，佢就喺facebook上寫︰「如果咁都唔明，我就無計了。」似係為自己被人笑作出平反，更有網民力撐︰「拉呢d花要拉得每條線均勻帶有優雅咁，謝霆鋒嘅呢個動作係無誇張到，確實係要咁樣拉先出黎嘅效果靚。」
或者霆鋒喺台上要示範，可能係想遠處啲人都睇到，唯有動作誇張啲，舞台效果嘛!