వెంకటేష్ సినిమానే ఈ "అఙ్ఞాతవాసా" ??

The Movie "Agnathavasi" Directing by Trivikram Srinivas inspired from Venkatesh's Ontari Poratam?
పాత తెలుగునవలలనో, లేదంటే ఏదో ఒక వేరే భాషలో వచ్చిన సినిమానో కాపీకొట్టి మామూలు భాషలో అయితే స్పూర్థి గా తీసుకొని సినిమాలు చేయటం మన టాలీవుడ్ కి కొత్తేమీ కాదు. అయితే ఆ విషయాన్ని సదరు దర్శకుడు బహిరంగంగా ఒప్పుకోకుండా.. ఇంకెవరో చెప్తేనే కాస్త ఇబ్బందిగా ఉంటుంది. దర్శక ధీరుడు రాజమౌలి తీసిన"మర్యాద రామన్న" ఇంగ్లీష్ లోని అవర్ హాస్పిటాలిటీ అనే సినిమాకి దాదాపుగా రీమేక్ అని చెప్పుకోవచ్చు, ఇక కాక్రోచ్ అనే సినిమాకి ఈగ అనే సినిమా మాత్రం ఖచ్చితంగా స్పూర్తి అనే అనాలి.
ఇవన్నీ పక్కనపెడితే యద్దనపూడి సులోచనారాణి గారు రాసిన "మీనా" అనే పాత నవలని 'అ ఆ' సినిమాగా మలిచిన త్రివిక్రమ్‌ ఆ విషయాన్ని గోప్యంగా వుంచి విమర్శల పాలయ్యాడు.
పాత కథలని మరోసారి కొత్తగా రాయడం, తీయడం త్రివిక్రమ్‌కి కొత్తేమీ కాదు. నిజానికి వెంకటేష్ హీరోగా వచ్చిన "వారసుడొచ్చాడు" కథనే త్రివిక్రమ్ చేతిలో "అతడు" అయ్యింది. ఆ సినిమానే కొంచం మార్చి మహేష్ కి హిట్ ఇచ్చిన త్రివిక్రమ్ తాజాగా 'అజ్ఞాతవాసి'కి కూడా ఒక వెంకటేష్‌ పాత సినిమా నుంచే స్ఫూర్తి పొందాడని అంటున్నారు.
పక్కా క్లారిటీ అయితే లేదు గానీ ఇదే వార్త కాస్త బలంగానే టాలీవుడ్ సర్కిల్స్ లో చర్చల్లో ఉంది. రాఘవేంద్రరావు దర్శకత్వంలో వచ్చిన 'ఒంటరి పోరాటం' చిత్రంలోని రివెంజ్‌ త్రెడ్‌ని తీసుకుని 'అజ్ఞాతవాసి'కి కథ అల్లాడట. మొత్తానికి దాదాపు మెయిన్ పాయింట్ తప్ప మిగతా కథంతా కొత్త్గా రాసుకున్నదే అంటున్నారు.