Në ambientet e Drejtorisë së Policisë së Shtetit po zhvillohen homazhe në nderim të ish-kryepolicit Sokol Baraj.
Baraj u nda nga jeta një ditë më parë, në moshën 53-vjeçare, pas një infarkti në zemër.
I pari që ka zhvilluar homazhe ka qenë Drejtori i Policisë së Shtetit, Haki Çako, i cili u shpreh se Baraj ka dhënë të gjithë kontributin e tij në uniformat blu.
"Sokol Baraj dha të gjithë kontributin e vet në Policinë e Shtetit. Ngushëlloj familjen për ndarjen nga jeta të tij. I përjetshëm qoftë kujtimi i tij", u shpreh Çako.
Sokol Baraj ka mbajtur detyrën e ish-Drejtorit të Përgjithshëm të Policisë së Shtetit si dhe zv/ministër i Brendshëm.
Baraj njihet si kryepolici që shkatërroi bandat e armatosura në vitin e trazirave të 1997-ës.
Më herët ai ka mbajtur edhe detyrën e drejtuesit të komisariatit të Kavajës.
Be the first to comment