မြန်မာ့သစ်လုပ်ငန်းက ကျွန်းသစ်အပါအ၀င် သစ်တန်ချိန် တစ်ထောင်ကျော်ထပ်မံရောင်းချပေးဖို့ရှိနေ

မြန်မာ့သစ်လုပ်ငန်း ပြည်တွင်းအရောင်းဌာနကနေ ကျွန်းသစ်လုံးနဲ့ သစ်မာသစ်လုံးတန်ချိန် တစ်ထောင်ကျော် ထပ်မံရောင်းချပေးသွားမှာဖြစ်တယ်လို့ ဌာနရဲ့တာဝန်ရှိသူတစ်ဦးကပြောပြထားပါတယ်။
အခုတစ်ကြိမ်ရောင်းချမှုမှာ ကျွန်းသစ်လုံး၊တိုင်နဲ့ဗုံတိုတန်(၁၆၀)အပြင် သစ်မာ၊သစ်လုံး (၁၀၅၆)တန်ခန့်ပါဝင်မှာဖြစ်တယ်လို့ မြန်မာ့သစ်လုပ်ငန်း ပြည်တွင်းအရောင်းဌာနကထုတ်ပြန်ထားပြီးအဲဒိရောင်းချမှုအတွက် အောက်တိုဘာလ(၂၁)ရက်နေ့မှာ မြန်မာ့သစ်လုပ်ငန်းပြည်တွင်းအရောင်းဌာနကဈေးပြိုင်လေလံစနစ်နဲ့ရောင်းချပေးသွားမှာဖြစ်တယ်လို့လည်းသိရပါတယ်။
၂၀၁၄-၂၀၁၅ဘဏ္ဍာနှစ်မှာ ပြည်တွင်းသုံးစွဲမှုအတွက် ကျွန်းသစ်လုံး၊ သစ်မာသစ်လုံးနဲ့ သစ်ခွဲသားတန်ချိန် (၅)သိန်းကျော်အထိရောင်းချဖို့ရည်ရွယ်ထားပြီးအခုအချိန်အထိတန်ချိန်(၁)သိန်းကျော်အထိရှိနေပြီးရောင်းချငွေကျပ် (၃၅)ဘီလီယံအထိရှိနေပြီလို့လည်းသိရပါတယ်။