တောင်သူများ ငရုတ်ပင် စနစ်တကျ စိုက်ပျိုးရေး

ငရုတ်ပင်ရဲ့ မူရင်းဒေသက တောင်အမေရိကတိုက် ဘရာဇီးနိုင်ငံကပဲ ဖြစ်ပါတယ်။

စိုက်ပျိုးချိန်ကို မူတည်ပြီးတော့ မိုးငရုတ်နဲ့ ဆောင်းငရုတ်ဆိုပြီး နှစ်မျိုး ခေါ်ဝေါ်ကြပါတယ်။ ဆောင်းငရုတ်မှာတော့ ကုန်းငရုတ်နဲ့ ကိုင်းငရုတ်ဆိုပြီးတော့လည်း နှစ်မျိုးရှိပြန်ပါတယ်။

ငရုတ်ပင်က မြေအမျိုးအစားမရွေး စိုက်ပျိုးနိုင်ပါတယ်။ နုံးတင်မြေနုကျွန်းတွေမှာဆိုရင်တော့ ငရုတ်စိုက်ပျိုးရန် အကောင်းဆုံးပဲဖြစ်ပါတယ်။ ငရုတ်ပင်က အပူပိုင်း စွတ်စိုတာကို ကြိုက်နှစ်သက်ပြီးတော့ ရေဝပ်ခြင်းကို မနှစ်သက်ပါဘူး။

ငရုတ်ပင်စိုက်ပျိုးရန်အတွက်က ပထမဦးစွာ ပျိုးထောင်ရန် လိုအပ်ပါတယ်။ ပျိုးခင်းမြေကို ထယ်တစ်စပ် ထွန်ရှစ်စပ် မွှေပြီးတော့ ကြမ်းတုံးတိုက်ပေးဖို့ လိုအပ်ပါတယ်။ ပြီးရင်တော့ အနံသုံးပေ အမြင့်ခြောက်လက်မရှိတဲ့ ပျိုးပေါင်တွေကို ပြုလုပ်ပေးရမှာပါ။ တစ်ပေါင်နဲ့တစ်ပေါင်ကိုတော့ လူသွားလမ်း တစ်ပေခန့် ခြားထားပေးရမှာပါ။

ပျိုးပေါင်တွေပေါ်မှာ နွားချေးမှုန့် မြေဆွေးမှုန့်တွေကို စကာချပြီးတော့ ပျိုးပေါင်မြေနဲ့ သမအောင် ရောပြီး မွှေပေးရမှာပါ။ ငရုတ်စေ့များကိုတော့ အဝတ်ပါးပါးနဲ့ ထုတ်ပြီး တစ်ညခန့် ရေစိမ်ထားပြီးမှ ကျဲပေးရမှာလည်း ဖြစ်ပါတယ်။ ပျိုးပေါင်များအပေါ်မှာ ငရုတ်ကို ကျဲပြီးတဲ့နောက်ပိုင်းမှာ မြေမှုန့် ပါးပါးလေး ဖုန်းပြီးတော့ အပေါ်က ကောက်ရိုး အုပ်ထားပေးရမှာပါ။

ပျိုးခင်းကို ရေသင့်ရုံ မှန်မှန်လောင်းပေးရမှာလည်း ဖြစ်ပါတယ်။ ငရုတ်ပင်များကတော့ ရက် ၄၀ သားနဲ့ ၅၀ ရက်သားမှာ စိုက်ခင်းကို ပြောင်းရွှေ့စိုက်ပေးရမှာလည်း ဖြစ်ပါတယ်။ ငရုတ်ပင်စိုက်မယ့် စိုက်ပျိုးမြေကိုတော့ ထယ်တစ်စပ် ထွန်နှစ်စပ် ဝင်ရမှာလည်း ဖြစ်ပါတယ်။

မြေသြဇာကောင်းတဲ့ မြေကလွဲပြီး ကျန်တဲ့မြေများမှာဆိုရင်တော့ တစ်ဧကကို နွားချေး လှည်း အစီး ၂၀ မှ ၂၅ စီး ယူတီယာ ၁၀ ပိဿ တီစူပါ ၅ ပိဿ ပိုတက် ၄ ပိဿခန့်ကို ရောယှက်ပြီးတော့ သမအောင် ထွန်နဲ့ မွှေပေးရမှာလည်း ဖြစ်ပါတယ်။