كلمات محمد الصعيدي
***
و قلوبنا معاكي يا سينا
يا رام الله يا دير ياسين
يا جولان يا بلدنا يا غزة
يا مداين يا فلسطين
يا ابو ودن تقيلة ما تسمع
على جيلنا قالوا اللعنات
و مرارة ذبح اخواتنا
على سينا تقول حكايات
اللعنة اللعنة اللعنة
يا بلدنا سبع مرات
ملعون الحل السلمي
أو نندب عاللي مات
او نسكت او نتكلم
بالشروة نبيع روايات
او نسمع كلمة خاين
و نسيب شفط اللبنات
او نرضى بكلمة تمانع
لغناوي الرشاشات
يا اصيلة يا ارض بلدنا
حبوكي المحتاجين
زرعوا القمحات على صدرك
خطفوها الدجالين
مدّينا القبضة نجيبهم
كانوا فوق و مثبتين
و السلم فين يا صحابي
و شاهين نجار و أمين
و بناتو التسعة يلالو
يا اولاد الشوم جعانين
عاوزين مسمار لذراعه
عند الحداد ياسين
وياسين واقع من طوله
والفرخه تجيلوا منين
محتاجه الفرخه لقمحه
من ضمن المحرومين
والقمحه في بيت القادر
والقادر بيته بعيد
على سوره دخول وحراسه
وبيبانه حديد فى حديد
نزحفلوا خطوة بخطوة
شايلين النور و النار
و الخطوة تنقط خطوة
و الليل يطلعلو نهار
تخطبنا الظلمة نهابر
و نزيح بقدر و قدار
للقدس مطاف مشوارنا
بالحرب حنمحي العار
بالحرب حنمحي العار
بالحرب حنمحي العار
حنمحي العار
حنمحي العااااااار
Comments