زي النهار ده من زمان من كام سنة
مفيش لزوم للعد أو للحسبنة
أصل الحكاية عد عمرك يا جحا
قال يوم فلس و خمسة ستة عكننة
فلس ... فلس
يحيا الفلس و الجدعنة
زي النهار ده الست هانم والدتي
حزقت و قالت بالانين يا لهوتي
و اتجمعوا نسوان حارتنا يسمعو
صرخة قدومي و يستباركو بطلعتي
قلة عقول طبعا و حبكات نسونة
لأ و المصيبة أن الجماعة ما شاورونيش
و لا حد قاللي ان كنت آجي أو مجيش
قال ليه و ايه بايا ناغش والدتي
قام شي حصل بعد المناغشة ميتجكيش
ليلتها كان الحظ آخر نعنشة
و كلمتين و ضحكتين بعد العشا
كان القدر جاهز مجهز خبطته
خبط عبط شوفو العجيبة المدهشة
سنين عذاب تولدها لحظة سلطنة
Comments