ساعة العصاري يا نسايم ... El Sheikh EMAM

كلمات أحمد فؤاد نجم
****
ساعة العصاري يا نسايم
والبحر نايم
وأنا هايم
ماشيه الحليوة وخلخالها
يحكي الحكايه اللي ف بالها
يا أبو البنيه
صبرك شويه
وإدي الكحيله لخيالها

البنت قالت أشوف بختي
وكفايه فى الحب مناهدِه
وأعرف نصيبي
عشان يا ختي
يطمن القلب ويهدا
قال الودع لما حكى لها
على الحكايه اللى ف بالها
يادي الصبيه
صبرك شويه
وإدي الكحيله لخيالها

و الحلوة قالت يا نصيبي
هات العَدل
ولا تستعجل
دا العمر مهما يمشي بي
تروق وتحلا وتتعدل
والحرة تلبس خلخالها
لايق عليها وحلالها
يا إبو البنيه
صبرك شويه
وإدي الكحيله لخيالها