كلمات أحمد فؤاد نجم
****
فِي كل حين
ياكفر سين
الدم سايل ع الجبين
حتبكي مين ياكفر سين
وتشكي مين لمين ومين
مين يمسح دموعك ولا مين
هيفك أسر المأسورين
يمسح دموعك ولا مين
هيفك أسر المأسورين
ومين يخضر للربيع
ومين يحضر للسنين
ومين يجهز للبنات
ومين يعمر للبنين
ومين حيوعى للتاريخ
ومين يعد المولودين
ومين ياكفر سين ومين
إن قلت أيوه يقول آمين
احنا النبات ياكفر سين
واحنا البنات ويا البنين
ومفيش عيون من غير دموع
ولافيش جراح من غير أنين
ومهما زاد الليل ســواد
جايين ليالى منورين
ومهما زاد الليل سواد
جايين ليالى منورين
ياكفر سين
ياكفر سين
ياكفر سين
Comments