كلمات الشاعر أبو الحسن سلام **** بنادي على كل واحد في مصر ندايا أنا لكل بيت مش لقصر بلدنا في محنة...نظامها دابحنا وواجبنا إحنا ..نصونك يا مصر
بنادي على كل عامل هناك في وسط المداخن في وسط الهلاك يبني لغيره ومالوش في خيره وصابر و إيه بس آخرك يا صبر؟ بلدنا في محنة نظامها دابحنا وواجبنا إحنا نصونك يا مصر
بنادي على الورشجية الصغار ودول مسروقين من سماسرة كبار حتخرب بيوتكم فلوس أمريكاني مع الانفتاح جت مصيبة لمصر بلدنا في محنة نظامها دابحنا وواجبنا إحنا نصونك يا مصر
.بنادي على ريف بلادنا الحزين واقوله يا أسمر بلاش الأنين وجاهد و ناضل بطول السنين وقلّب ترابك حاتحمر مصر بلدنا في محنة.. نظامها دابحنا وواجبنا إحنا.. نصونك يا مصر
بنادي على الجيش هناك ع الحدود مشلح مسلح لمين بالبارود رئيسك خلاص سلمك لليهود و ضيع عليك أي فرصة لمصر بلدنا في محنة.. نظامها دابحنا وواجبنا إحنا.. نصونك يا مصر
..بنادي عليكم يا كل الجموع في كل الشوارع في كل النجوع في مصر المزارع في مصر المصانع بلادنا حتبقى جناين محبة وفيها الأحبة تيجان كل عصر
