كلمات أحمد فؤاد نجم ***** حبلت الأيام سنين ولدت الأيام دهور دامت الأيام لمين وحدوا المولى الغفور
صلي على اللي في القيامه يشفعك واصح ياللي نمت باللى بيوجعك وانده اللي لو ندهته يسمعك واكشف اللي بيألمك وبيوجعك قول يا جاره قول يا جار مهما طال الليل وجار كل جرم وله مسار والكواكب دوارين وحدوه يا مؤمنين
صحّي نومك يا اسطى مرسي يللي ناسي هلّ يومك يا اسطى فكري يللي راسي يا حبايب مصر يا اْهلي يا ناسي اللي يعشق بالسهر حتما يقاسي اصحى يا نايم كفاية وحّد الانسان معايا طالت الليل الرحايا والحدادي قلقانين وحّدوه يا مؤمنين
يللي صاحيين في البيوت يللي كاشفين المكان يللي سامعين السكوت يللي واعيين للزمان استعدوا للقيام استعدوا للقيام واقبلوا مني الكلام مصر نايمة من سنين وحّدوه يا مؤمنين
