يا بلح ابريم يا سمارة ... El Sheikh EMAM

كلمات أحمد فؤاد نجم
***

يا بلح ابريم
يا سماره
سواك الهوى
فى العالى هويت
على طمى النيل
يا سماره
وشربت عكار
لما إستكفيت

بس احلويت قوى
يا سماره
لما اسمريت قوى
يا سماره
لفيت الشارع والحاره
على زي نقاوتك
فين ما لقيت
يا بلح ابريم
يا سمارة

يا حلاوة بنار
الشمس النور
يا سمار وعمار
الصحرا البور
شباك الهوى
داير ما يدور
حواليك اتاريك
دبت وطبيت

بس اغلويت
قوى يا سماره
لما اتدليت
قوى يا سماره
ونزلت الشارع
والحاره
سوقك لا رخصت
ولا اتذليت
يا بلح ابريم
يا سماره

حصنت بعقدك
صدر الناس
من شر النخاس الخناس
يا ابو قلب
لا سوسه ولا وسواس
ورقيتك يا اسمر
واسترقيت

الضم حبابيك
بقى يا سماره
وافتح شبابيك
لقا يا سماره
على جو الشارع
والحاره
تغلوا زيادة
وتملى البيت
يا بلح ابريم
يا سماره