الشاعر الكبير عماد حسن وقصيده بعنوان كل ما اكتبلك قصيده كل ما اكتبلك قصيده ببقى خايف يلمحوا صورتك حبيبتى جوه اوراق القصيده او يشموا عطرك المخفى ما بين قلب الورق ببقى خايف يلمحوا عيونك فى بيت يلمحوا شعرك فى شطره يلمحوكى يعرفوكى يسرقوكى حبيبتى من قلبى ومن قلب القصيده قلتلك يا حبيبتى ياما وانتى ياما بتسمعيها انتى روحى انتى روحى اللى بعيش ايامى بيها روحى اللى بخاف منى عليها طب قوليلى ازاى مخفش عليكى منهم وانتى قولتيلى بدال المره يجى الف مره حبنا اصبح خطير حبنا اصبح مغامره بس انا مقدرش اعيش من غير ما اغامر حبك اللى خلقنى شاعر قلبى من غير يموت لو خدوكى حبيبتى منى جسمى يتحول تابوت روحى تملاها الكابه زى بيت العنكبوت هو ده الموضوع وقلب المشكله اللى بتخلينى دايما كل ما اكتبلك قصيده ببقى خايف يلمحوا عيونك فى بيت يلمحوا شعرك فى شطره يلمحوكى يعرفوكى يبعدوكى حبيبتى عن قلبى وعن قلب القصيده
Be the first to comment