?Kamza është një qytet që ka mbetur peng i politikës?, kështu u shpreh para të rinjve të zonës së Kamzës Kryetari i Partisë Socialiste të Tiranës Saimir Tahiri i shoqëruar nga deputeti Sadri Abazi dhe Kryetari i ALUIZN-it Artan Lame, duke saktësuar se zgjidhje ka dhe ajo është ndërtimi i një shteti funksional Tahiri: Çdo fushatë është bërë zakon vijnë ju trokasin te dera dhe ju premtojnë që do ju marrin në punë. Ju premtojnë që do ju zgjidhin punë. Ka parti në Shqipëri që jetojnë vetëm me këtë qëllim. Premto dhe gënje se do fusësh në punë dhe se do zgjidhësh punë. Kjo nuk është Shqipëria që duam. Kjo nuk është Shqipëria që ju duhet ju, nuk është Shqipëria që duam ne. Asgjë e mirë nuk mund të ndodhë në këtë vend nëse nuk ndërtojmë shtetin.. Saimir Tahiri njëkohësit edhe Ministër i Brendshëm, shtoi më tej se Kamza ka vuajtur nga ndarja që i është bërë qytetarëve kjo është edhe arsyeja pse vazhdon të ketë akoma probleme. Artan Lame nga ana tjetër foli për 100 mijë legalizime që janë bërë ose 6 herë më shumë se në 8 vite të qeverisjës Berisha.
Për më shumë lexoni në: http://www.oranews.tv/vendi/tahiri-ne-kamze-qyteti-ka-vuajtur-nga-parti-qe-e-kane-mbajtur-peng/
