Politika nuk është gjithmonë të thuash PO! Në politikë duhet të dish të thuash JO, atëherë kur duhet thënë. Kërkuat mbështetjen e popullit, e morët si asnjë parti shqiptare në Maqedoni deri më tani me mbi 150 mijë vota. Ua dhanë besimin për të realizuar atë që premtuat! Nuk ua dhanë të përkuleni para Nikolla Gruevskit. Nuk ua dhanë votën që të futeni në qeveri pa marrëveshje politike , nuk ua dhanë votën që ti zhgënjeni ata, nuk ua dhanë votën që të shkelni mbi trupat e gjallë të tyre sikur nuk i vëreni, ua dhanë duke pasur besimin se do të realizoni atë që premtuat, por në asnjë moment nuk ua dhanë që ti besoni përrallave të Nikolla Gruevskit dhe as atyre tuajave se do të na anëtarësoni në NATO për 6 muaj. Edhe në 2008 po në një koment të ngjashëm u thash të mos keni iluzione se do të futemi në NATO me Gruevskin kryeministër, po ua them edhe tani 6 vite më pas. Çka pas 6 muajve kur jo populli por Ju të BDI-së do të zhgënjeheni? Do të kërkoni sërish zgjedhje do t'ju premtoni sërish shqiptarëve integrimin në NATO?.. Më 27 prill dolët të buzëqeshur e të gëzuar duke shpallur fitoren historike të BDI-së, dolët për të treguar se keni fituar mbi 150 mijë vota, po ç'ne kur shkelet mbi të njëjtat, vetëm dy javë më pas. Po ç'ne kur harruat pse ata Ju votuan!?.... Edhe në këtë mandat nuk arritët që shqiptarët të marrin një nga tre postet kyçe në shtet. Nuk arritët të bindi Gruevskin se gjuha shqipe duhet të jetë zyrtare, nuk arritët të që të kemi ndryshime kushtetuese për zgjedhjen e presidentit në parlament... Po vallë, çka arritët!? Përveç se të siguroni rrogat e disa funksionarëve Tuaj, që sërish do të ulen në kolltukët e ministrive dhe drejtorive të ndryshme . A thua a ja vlen KJO ?... A thua a janë vlen të sakrifikoni 153 mijë votat e shqiptarëve për të shpëtuar 3-4 funksionar tuaj të kompromentuar ?... A thua mendoni se nuk janë të zhgënjyer me këtë pazar edhe anëtarët e simpatizantët më të flaktë të BDI-së! Se nuk janë zhgënjyer edhe shokët Tuaj të luftës, se nuk janë zhgënjyer edhe një pjesë e deputetëve Tuaj nga të cilët kërkuat që në këto momente të demonstrojnë unitet?. .. Jo jo, të gjithë janë të zhgënjyer me këtë pazar pa marrëveshje që bëtë si BDI....Mos kërkoni as alibi te faktori ndërkombëtar se ata ju paskan sugjeruar ta bëni këtë që bëtë! Mos harroni se nuk ju votuan ndërkombëtarët, por mandatin e morët nga populli Juaj. BDI është një proverb popullore " FIKË SE FIKË, POR LE TË JETË ME MUZIKË"! Njiheni edhe Ivanovin për president e ta festoni humbjen e fitores historike...Do ta përmbylli këtë koment me muzikë, me një pjesë të tekstit të këngëtarit, Flori të këngës "Zemërthyer", kushtuar zhvillimeve politike në Shqipëri e që sot përkon me realitetin tone politik këtu në Maqedoni: Koment, Muhamed Zeqiri
E nisa rrugën pastër me ideale te zjarrta Duke ecur ëndrrat vdiqën Ambiciet janë të qarta Lëpin aty ku folën, shkelën mbi parime Këtu ka vetëm pazare, nuk ka me qëllime Tradhtar ne sy te njerëzve Tradhtar përpara Zotit Dikush më tha ...
