Për momentin, nuk ka rishikim buxheti. Kështu paralajmëron ministri i financave në largim, Zoran Stavrevski. Ai thotë se ndonëse deri tani janë shpenzuar rreth 62% nga buxheti i i planifikuar. Arka shtetërore sipas tij është në kushte të mira, dhe shpenzimet e deritanishme kanë qenë të pritshme për shkak të pagesës së subvencioneve për duhanin. Nëse ka nevojë, do ketë edhe rishikim.
"Tani për tani, edhe të ardhurat edhe shpenzimet nga buxheti, janë kryer në kuadër të planifikimeve, dhe pritjet e mia janë se, edhe në muajt në vijim do vazhdohet ashtu, sepse me përfundimin e zgjedhjeve do mundemi t'i kryejmë obligimet tona, ndërsa për sektorin privat është më mirë kur ka parashikim afatgjatë të politikave", tha Zoran Stavrevski, Ministër i Financave në largim.
Stavrevski thotë se ndonëse borxhi i qeverisë është 35.7% nga Prodhimi Bruto Vendor, nga muaji mars dhe për çdo muaj ai shënon rritje prej 0.2 deri 0.3%, Maqedonia do të vazhdojë të jetë në grupin e shteteve me më pak borxhe në Evropë.
"Borxhi i shtetit është në kuadër të vlerave të planifikuara, në përputhje me politikat fiskale dhe strategjinë fiskale afatmesme. Është normale nga muaji në muaj të ketë ndryshime të nivelit të borxhit sepse në një muaj mund të ketë huamarrje, ndërsa muajin tjetër mund të ketë pagesa më të larta që arrijnë për pagesë. Kur punohet me shifra dhjetore, ato nuk mund të ndikojnë shumë në nivelin e përgjithshëm të borxhit shtetëror", u shpreh Zoran Stavrevski, Ministër i Financave në largim .
Sipas Stavrevskit, mbështetje tjetër për ekonominë vendore do jetë hyrja në fuqi e ligjit për disiplinë financiare. Me këtë, ndërmarrjet vendore do bëhen më likuide. Verica Pavllova
