Një aksident tragjik është shënuar paraditen e sotëm në aksin Levan- Tepelenë. Tre makina, mes tyre një makinë e tonazhit të lartë është përfshirë në aksident duke shkaktuar 3 të vdekur dhe 5 të plagosur. Deri tani janë identifikuar dy prej viktimave: Shkëlqim Zaimi dhe Roald Mani. Ndërsa të plagosurit janë Armando Jahaj, Teki Hoxhaj, Dallëndyshe Hoxhaj, Alket Hoxhaj 2 vjeç dhe Arben Merkaj Aksidenti i rëndë ka ndodhur në fshatin Kaparaj rreth orës 09:30 minuta. Makina e tonazhit të lartë dyshohet se është shkaktar i aksidentit të trefishtë në aksin Levan-Tepelenë.
