Kreu i Gjykatës së Lartë, Xhezair Zaganjori, i cili ndodhet në Shtetet e Bashkuara për një vizitë pune, ka dhënë sot në mbrëmje një intervistë për "Zërin e Amerikës".
Në këtë intervistë Zaganjori ka theksuar se korrupsioni mbetet shqetësim i qëndrueshëm, shumë i madh. "Duhet bashkëpunim me të gjithë mekanizmat për të luftuar korrupsionin. Duhet të rrisim transparencën dhe efektivitetin".
Në lidhje me çështjen e Gërdecit, Zaganjori nuk ka dashur të komentojë rekursin e Gjykatës së Lartë për këtë çështje. "Nuk kam dijeni për rekursin e çështjes së Gërdecit. Unë nuk merrem me dhënien e drejtësisë, por administrimin".
Comments