Elbasan, zbulohen rrënojat e kalasë i përket periudhës para osmane

ELBASAN - Gjatë gërmimëve për rikonstruksionin e rrugës "Thoma Kalefi" në Elbasan zbulohet një mur që mendohet t'i përkasë një kalaje të vjetër. Rrënojat e dala në sipërfaqe pranë sheshit të manazgjasë kanë ndërprerë punimet. Arkeologët shprehen se bëhet fjalë për një kala të vjetër që i përket periudhës para osmane. Drejtori i muzeut etnografik, Kreshnik Belegu thotë se për këtë zbulim është vënë në dijeni edhe Ministria e Kulturës nga ku pritet një vendim për vijimin e punimeve të cilat janë ndërprerë deri në një vendim të dytë.