Mblidhet KQZ, Gjonçaj: Vihet në pikëpyetje serioze procesi zgjedhor

TIRANË - Është mbledhur sot Komisioni Qendror i Zgjedhjeve. Gjatë takimit përfaqësuesi i Partistë Socialiste, Genc Gjonçaj, ka theksuar se, "përtej çdo parashikimi është vënë në pikëpyetje serioze procesi". Sipas tij, PS ka paraqitur një raport me vërejtje dhe sugjerime mbi provën e dytë gjenerale të KQZ dhe pret nga kjo e fundit disponibilitetin dhe se kur KQZ do të paraqesë aktet, që do të bëjnë të mundur realizimin e këtij projekti. KQZ ka miratuar edhe 8 vëzhgues shtesë të misionit "OSBE-ODHIR, të tjerë vëzhgues edhe nga organizata të tjera kombëtare dhe ndërkombëtare, si dhe 54 vëzhgues të televizionit "A1 Report" dhe gazetës "Shqiptarja.com" për procesin zgjedhor të 23 qershorit.