KINE - Kamerat e sigurisë kanë filmuar një panda duke u mbajtur në pemë në momentin kur një tërmet i fuqishëm godititi të shtunën pjesën jugperëndimore të Kinës.
Përgjegjësi i kopshtit zoologjik në provincën Sichuan tha se lëkundjet e tërmetit ishin aq të forta sa pandat u frikësuan shumë. Madje njëra prej tyre e përfshirë nga paniku u përpoq të ngjitej në pemë dhe qëndroi për një kohë të gjatë.
"Për fatin e mirë nuk ka raportime për lëndime të pandave vetëm se duhet pak kohe, që ata të qetësohen", - shtoi përgjegjësi i kopshtit zoologjik.
Kujdestarët e kopshtit zologjik po përpiqen, që pandat të rikthehen përsëri në normalitet, pas panikut të tërmetit për t'u ndier të lumtura me ushqimin e tyre, bambu.
Panda është një kafshë, që simbolizon paqen në Kinë dhe është konsideruar një specie në zhdukje nga Fondi Botëror i Kafshëve të Egra.
Tërmeti i fuqishëm me magnidutë 7 ballë e shkallës Rihter, që goditi pjesën jug-perëndimore të Kinës shkaktoi vdekjen e qindra personave dhe mijëra të tjerë mbetën të lënduar.
