गणराज रंगी नाचतो नाचतो

मंगळवार १ जुलै २०१४
विनायक चतुर्थी - अंगारक योग

गीत - शान्‍ता शेळके
संगीत - पं. हृदयनाथ मंगेशकर
स्वर - लता मंगेशकर


गणराज रंगी नाचतो, नाचतो
पायि घागर्‍या करिती रुणझुण
नाद स्वर्गि पोचतो !

कटि पीतांबर कसून भर्जरी
बाल गजानन नर्तनास करी
तुंदिल तनु तरि चपल साजिरी
लावण्ये साजतो !

नारद तुंबरु करिती गायन
करी शारदा वीणावादन
ब्रम्हा धरितो तालही रंगुन
मृदंग धिमि वाजतो !

देवसभा घनदाट बैसली
नृत्यगायने मने हर्षली
गौरीसंगे स्वये सदाशिव
शिशुकौतुक पाहतो !


NOTE: ALL COPY RIGHTS VEST WITH ITS TRUE OWNER. NO COPYRIGHT VIOLATIONS OR COPYRIGHT INFRINGEMENT ARE INTENDED.
NOT FOR COMMERCIAL PURPOSE