عنيــكى مسكينـــة

*كلمات وأداء : رأفــت الشــافعــى*
عنيكى مسكينه ...وحزينة ...
ورموشك شوك ...بيخبيهم...
عنيكى مسكينة ...بالاقيهم...
.......راسمين الفرحة...
لكن الفرحة فيهم ...
ملفوفة بطرحة ...
سمرا ..وطارحة الحزن ...
وصوته بيئن ...
ويطـــن ..فى قلبى الفاضى...
يسمـــّع فيا ..مشاعر مـــرّة..
ويوجع ..
يزرع بذرة حســـرة ...تفـــرّع
.تطلع من ..خرم الســـرّة ...
كما شجرة ...
سكينة ...حامية وحارة...
تدبح ...تسيـــّل دمى ...تروى الشجرة ...
نحوم ...أغراب ...
فى سما الأحباب...
نلاقى الشمس ...بتضوّى عذاب ...
أتوه ...وأتوه ...وأدور عليكى ...
ألاقى عنيكى ــ يامصر ــ مسكينة ..وحزينه ...
ورموشك ...شوك ...بيخبيهم .