ye manazir kisi tawaiif khaaney ke nahi hein. ye hamarey pasandeeda TV channels ke morning shows ke hein. Suba subhaa jaagein aor
in manhoos aor sharmnaak balke besharmnaak zehreeley programs
ko dekh ke apna khoon ubaalein aor is mulk mein apni pedaish pe
kaf e afsos malein. suba suba Allah Rusool ke nam ke bajaye ap ke bachon
aor khas tor pe bachion ke zehn mein makhloot naach gana, hassi mazaq, gher ikhlaqi
harkatein is deeda dulairy se pesh ki jaati hein ke goya hamarey purkh to hindu
they hi, ham khud hindion se kis ada mein peechey hein? Un ke reality shows mein
tawaaiif khana laga hai to kya hua, ham bhi sawairey sawairey apni ki aankhon
ka manoranjan kar lete hein.
Aor phir ye kisi aik roz ki kahani ho to banda lanat bhej ke khamosh ho jaye
ye te roz roz ka wo khooni khel hai jis pe jitni laanat malaamat kar li jaye
utnaa hi sawab hai.
Aor phir agar ye midnight adult programs ke label se hotey to qabil-e-bardasht bhi tha
subha subha school aor office ke waqt ye dheenga mushti samajh se bahir hai
ye samajh nahi aa rahi ke esa kis soch ke tehat kiya ja raha hai?
zahir hai jo log ye kar rahe hein wo andhey to nahi hein. Koi khas soch
le ke hi ye sab kuch ho raha hai.
Comments