Urdu poetry - nazm - "kitaabain" - نَظم ۔ کِتابیں

Urdu poetry - nazm
kitaabain
shab-e-qeer-o-yaldaa milaa kar pilaa dain
to maazi bhi logon ko apnaa bhulaa dain
abhi zulmat--shab kay saayay hain madham
andhairon main kaalaa andhairaa milaa dain
ujaalon say khatra hai eemaan-o-deen ko
chalo fikr-o-daanish thapak kar sulaa dain
jinhain sochnay ki buri lat parri hai
woh zaalim na bunyaad-e-eemaan hilaa dain
nayay rang kay tauq daalain galay main
ghulaamon ko unn ki wafaa kaa silaa dain
likhi hai jo taareekh sheikh-o-zumar nay
dubo kar siyaahi main sab ko pilaa dain
kaheen roshni ki kiran khil naa jaayay
chalo mil kay saari kitaabain jalaa dain!
sikander aqeel ansari