Frika nga virusi kinez, në Kakavijë mungon karantina, mjeku: Kontrollojmë cdo person që futet

Koronavirusi ka vënë në lëvizje strukturat e shëndetësisë të cilat kanë rritur numrin e kontrolleve në të gjitha pikat kufitare. Arenc Brahimi shefi i Epidemiologjisë në Njësinë Vendore të Kujdesit Shëndetësor në Gjirokastër është shprehur se një grup mjekësh qëndrojnë 24 orë në Kakavijë në kuadër të masave për koronavirusin. Ai ka pranuar që në doganën e Kakavijës nuk ka një karantinë por nëse do të evidentohet ndonjë rast i dyshuar do të dërgohet në spitalin e Gjirokastrës.