السادة المحترمون: باسم عودة والحرية والعدالة .. بيضحكوا على الغلابة بالعيش وأنابيب البوتجاز

على أى حال ، زى ما أنتم عارفين أننا فى البرنامج مهتمين طول الوقت تسليط الضوء على إنجازات حكومة قنديل خاصة وزارة التموين اللى ماسكها الوزير الإخوانى باسم عودة اللى أقصى أحلامة اللى لسة ما اتحققتش هى أنبوبة لكل مصرى.
فى حلقة إمبارح واللى قبلها أكدنالكم إزاى الأخ باسم عودة اللى مهتم بعدد المتابعين لصفحته على الفيس أكثر منإهتمامه بتوفير رغيف العيش وأنبوبة البوتاجاز وتوفير السولار فى المحطات، حول وزارة التموين لفرع تابع لمكتب الإرشاد، وازاى أنه عمل شراكة ما بين الوزارة وجمعية ابدأ المملوكة لحسن مالك رجل الأعمال الإخوانى، من باب حط فلوس الجماعة على فلوس الوزارة وكله يستفيد.
الجديد معانا لباسم عودة، هى الصورة الموجودة قدامكم دى
الإعلان بيقول " بشرى سارة لأهالى العاشر الكرام - يعلن حزب الحرية والعدالة وجماعة الإخوان المسلمون بالتعاون مع جمعية نجوم السماء الخيرية عن توفير رغيف الخبز ب5 قروش مغلفا وبالقرب من المنزل - للتواصل يرجى الاتصال على الارقام .... ) - دى انجازات باسم عودة ان الجماعة تتحكم فى رغيف العيش ، ولو عاوز تحصل على رغيف العيش أبو شلن روح لمقر الإخوان -- باسم عودة خلاص ضمن لجماعته حصص من العيش وأنابيب البوتاجاز يضحكوا بيها على الغلابة والفقراء .
تابعونا على صفحتنا http://www.facebook.com/alSadahalMo7taramon