يوسف الحسيني: مرسى رايح يشحت من روسيا ومفيش مسئول مُعتبر استقبله

الدكتور محمد محمد مرسى عيسى العياط ، سافر روسيا الخميس والجمعة ، الغريب فى الزيارة أن رئاسة الجمهورية ومعها التليفزيون المصرى والصحف القومية أدعت أن الزيارة كانت رسمية ، وده مش حقيقى على الإطلاق ، وبعيدا عن أن الرئيس مرسى كان رايح يشحت من روسيا ورفضت اعطاءه قرض بمليار دولار وزيادة حصة مصر من القمح ، إلا أننا مستغربين ازاى يكذبوا على الشعب ويقولوا انها زيارة رسميه ، مش كفايه أن مفيش مسؤول روسى معتبر استقبلة فى المطار ، اللى استقبلة مسؤول فى ولاية سوتشى الروسيه ، وما كانشى فى أى استقبال رسمى ولا حرس ولا موسيقى عسكرية رسمية ، وده ان دل فيدل ان الزيارة غير رسمي
المؤسف ان التليفزيون الرسمى للدولة يكذب على الشعب ويقول زيارة مرسى لموسكو كانت رسمية - نشوف التليفزيون المصرى قال ايه.
غير التليفزيون المصرى ، الأهرام كمان روجت أن الزيارة كانت رسمية
لكن العيب مش على التليفزيون المصرى ولا على الأهرام، العيب على رئاسة الجمهورية اللى طلعت بيان وقالت فيه أن مرسى هيقوم بزيارة رسمية لروسيا
تابعونا على صفحتنا http://www.facebook.com/alSadahalMo7taramon