بنمسي على حضراتكم وحلقة جديدة من بلدنا بالمصري بعد غيبة طولت حبتين لكن للشديد الاوي.. واثناء الغيبة فيه مياه كتيرة جرت في نهر بلدنا وللاسف ان معظمها ان ماكانش كلها كانت ومازالت مية معكرة.. والعكار كل مادى بيزيد وكل مادى ما بيتقل وربنا وحده اللي يعلم لحد امتى ولحد فين هيفضل كاتم على انفاسنا.. لكن ادينا بنفلفص وبنعافر لاخر نفس او لحد المية ما تصفى وتروق وتحلى، ايهما اولاً والله المستعان.. فاستعنا على الشقا بالله، خاصةً واننا عشان نتكلم في كل اللي لازم نتكلم فيه النهاردة عايزين لنا يججي تلات اربع حلقات في بعض ويادوب يكفونا.. على اي حال احنا هنحاول نعمل كل اللي نقدر عليه خلال الوقت المتاح لينا وبحيث كمان يكون عندنا براح كافي نستقبل فيه ضيفتنا العزيزة النهاردة، المستشارة نهى الزيني وحديث بالتاكيد هيكون ذو شجون عن حال بلدنا ومحتالها وعن المية العكرة وايه اللي معكرها وامتى وازاي ممكن تصفى..
