الواحد ديما بيحس انه بقى مكشوف عنه الحجاب من كتر ما نقعد نتكلم في موضوع ونلاقي علطول تاني يوم كلامنا صح، امبارح لما اتكلمنا على ان الاسلاميين بيعتبروا نفسهم انهم فوق القانون وانهم دولة فوق الدولة ، وان لما حد يمس طرفهم فالقيامة تقوم وما تقعدشي تاني، كل ده.. حصل من امبارح للنهاردة بعد القبض على جمال صابر منسق حملة لازم حازم، اللي هما من حبابيب الإخوان وبينطبق عليهم قول الرئيس الاهل والعشيرة، امبارح لما تم القبض على جمال صابر فيه صورة انتشرت لشخص مقبوض عليه ومتغمية عنيه ومن ساعتها والناس حبابينا زي ما بقولوكوا مقومين الدنيا ومش مقعدينها، خليني قبل ما اتكلم اقولوكو حاجة.. طبعا طريقة القبض على اي شخص وتغمية عينه، بالطريقة اللي شوفنها سواء ده جمال صابر او لا لأ زي ما قالت الداخلية بعد كدة ، فده مش موضوعنا.. فاحنا حسمنا موقفنا من طريقة التعامل مع اي انسان سواء جمال صابر او غيره .. اللي يعنينا هو الهجمة والنفرة وعودة الخنفان.. واننا نرفض واننا نشجب واننا ندين، وايه الكلام طلع علطول بعد ساعات قليلة ..ليه زي ما قولتلكو عشان من الأهل والعشيرة .. دوااللي بيهتموا بيهم وهما دولا اللي ممكن نتدخل عشان وهما دولا اللي نكتشف فجأة ضرورة الحفاظ على كرامة الانسان، ويطلعمراد علي المستشار الإعلامي لحزب الحرية والعدالة يقول أن الله كرَّم الإنسان ولا يجوز لسلطة أو شرطة أو فرد أن يهين هذا الإنسان تحت أي مسمى.. !!!!ازاي بس هو مش حمادة صابر برضوة مواطن وانسان.. يا بني ادمين .. اللي طلعتوا ما اتكلمتوش عنه.
تابعونا على http://www.facebook.com/alSadahalMo7taramon