من جديد اهلا بحضراتكوا ... الانذار الاخير .. دا عنوان المليونية اللي دعا اليها عدد من القوى الثورية والحركات الشبابية ، للزحف ناحية قصر الاتحادية حيث يتواجد رئيس الجمهورية، وهدفها هو الضغط عليه لالغاء الاعلان الدستوري الاخير ووقف الاستفتاء على الدستور قبل حصولة على التوافق المجتمعي ..
يا ترى مليونية بكرة هيكون شكلها ايه، وهل القوى السياسية هتعلن الاعتصام امام الاتحادية، والى اي مدي هيستجيب الرئيس لمطالبهم، وهل هيحصل اشتباكات واعمال عنف ، خاصة فيما يتردد عن قيام افراد من جماعة الاخوان بالتوجه الى القصر لحمايته من المتظاهرين ؟.. واضح كدا من المقدمات ان المشهد بكره مش هيكون عادي ، خاصة وان حالة الاحتقان امتدت لعدد من القطاعات سواء القضاه اللى اعلنو رفضهم الاشراف على الاستفتاء، او الصحفيين اللى اعلنوا احتجاب 11 صحيفة مستقلة عن الصدور بكرة .. المشهد السياسي هيروح بينا على فين .. دا اللي هنعرفه من ضيوفنا الدكتور عادل سليمان مدير المركز الدولي للدراسات الاستراتيجية ، والدكتور احمد دراج وكيل مؤسسي حزب الدستور .. اهلا بيكم في من جديد