نبدا طبعا من مصر .. وتحديدا منطقة مصر الجديدة .. وفيديو ارسله لأون تيوب على صفحتنا على فيسبوك المستخدم (مينا جميل) .. وهو عبار عن لقطات مصورة لشوارع مصر الجديدة .. المحيطة بمقر قصر الاتحادية .. صباح اليوم التالي من الاشتباكات اللي وقعت هناك يوم الاربعاء ٥ ديسمبر .. بين مؤيدي ومعارضي الرئيس محمد مرسي .. و تحديدا اعلانه الدستوري الصادر يوم ٢٢ نوفمبر ٢٠١٢ .. وإقرار إجراء الإستفتاء على الدستور. الحقيقة ان منظر شوارع مصر الجديدة بعد الاشتباكات مؤسف جدا .. بيفكرني بالمشاهد الأولية اللي كنا بنشوفها في سوريا مع بداية أزمتها. عربيات متكسرة واعداد هائلة من الحجارة. مشهد حقيقي يحزن .. إنما مهما حزنا على منظر الشوارع بعض الاشتباكات .. مش هيكون بقدر حزننا على منظر الاشتباكات نفسها .. والمشاهد اللي كنا ذعناها على حضراتكم يوم الخميس الماضي. الله يجازي اللي كان السبب.
