من جديد: حزب الحرية والعدلة يتحفظ بقرار غلق المحال

من أزمة داخل التأسيسية نروح لأزمة تانية وهي الخاصة بإغلاق المحلات التجارية، زي ما حضراتكوا عارفين ان فيه حالة رفض كبيرة من جانب التجار وقطاع كبير من المواطنين اللي شايفين ان القرار حيضر اكتر ما يفيد، وفده عادي لان الناس ديه هي اللي متأثرة بالقرار لكن الغريب هو موقف حزب الحرية والعدالة اللي أعلن انه متحفظ على القرار .. وكأن الحزب في المعارضة مش في الحكم، برضوة بيفكرنا بموقف الحزب من جمعة الشريعة واكد ان نازل يتظاهر .. وسألنا ساعتها نازلين يتظاهروا ضد مين .. وتاني شايفين موقف غريب من الحرية والعدالة متحفظ على القرار.. هي مش ديه حكومة الدكتور مرسي اللي كان نازل مرشح لحزب الحرية والعدالة ولا ايه بالظبط.. دلوقتي خلاص الحكومة وحشة .. والحزب مالهوش دعوة .. الصراحة اللي ناقص يعملوه ان حزب الحرية والعدالة ينزل يتظاهر ضد الحكومة زي ما كان القذافي بيعمل !!!!!.
حزب الحرية والعدالة قال في بيانه انه متحفظ على هذا القرار وطالب بضرورة اجراء دراسات وافيه وحوار مجتمعي حقيقي للوصول للقرار الصحيح قبل إعلانه .. ده في الوقت اللي أكد علاء الحديدى المتحدث الرسمى باسم مجلس الوزراء، إن موقف حزب الحرية والعدالة لن يؤثر على المشاورات التى تجريها الحكومة حاليا مع الغرف التجارية للاتفاق على القواعد التنظيمية الخاصة بتطبيق القرار.