السلام والتحية على حضراتكوا أهلا بيكو معانا، ولان قام في البلد ثورة وما بقاش نافع سكوت عن الحاجات اللي بتمس صحة الناس، فحنبتدي كلامنا باللي حصل في القليوبية بعد ما تمكنت مباحث التموين والتجارة، من ضبط إحدى الشركات الكبرى اللى تقوم باستيراد الرز واتضح ان الرز ده منتهي الصلاحية وغير صالح للاستهلاك الآدمي. الشركة كان من المفترض انها بتقوم بتعبئة هذا الأرز في عبوات خاصة برز التموين وبتقوم بتوريده عشان يتوزع على البطاقات، حسب المعلومات اللي جاتلنا فالشركة استوردت 1200طن وزعت منها 1050 طن وتم ضبط 150 طن في المخزن ده معناه انه تم توزيع مليون و50 الف كليو لان سعة الكيس الرز اللي بيتعبي كيلو واحد واذا كان كيلو الرز بيكفي 4مواطنين للاستهلاك فده معناه اننا قدام كارثة تسمم من 4 لـ 6مليون مواطن بالرز ده من ضمن المعلومات الغريبة اللي جاتلنا ان الشحنة لما جت رفضتها وزارة الزراعة ووافقت عليها الصحة.
Be the first to comment